BDU-DA “QAFQAZ VƏ REGİONAL TƏHLÜKƏSİZLİK” MÖVZUSUNDA KONFRANS OLMUŞDUR
Beynəlxalq Avrasiya Mətbuat Fondunun NATO ilə birgə “Qafqaz və regional təhlükəsizlik” mövzusunda keçirdiyi konfrans dekabrın 17-də Bakı Dövlət Universitetində öz işini davam etdirmişdir.
Konfransda BDU-nun prorektoru, MEA-nın müxbir üzvü Bəhram Əsgərov çıxış edərək universitet ilə NATO və onun ayrı-ayrı qurumları arasındakı əlaqələrdən danışdı, NATO-nun baş katibi Corc Robertsonun BDU-nun fəxri doktoru olduğunu diqqətə çatdırdı.
Türkiyənin Bakıdakı fövqəladə və səlahiyyətli səfiri Əhməd Ünal Çeviköz konfransın işi və əhəmiyyəti barədə məlumat verdi.
Sonra NATO-nun Müdafə, Tərəfdaşlıq və Əməkdaşlıq İdarəsinin müdir müavini Corc Katsirdakisin “NATO-nun dünəni, bu günü və sabahı” mövzusunda məruzəsi dinlənildi.
Məruzədə NATO-nun tarixindən, struktur quruluşundan, sülhün və təhlükəsizliyin təmin olunması istiqamətində gördüyü işlərdən ətraflı söhbət açıldı. Hazırda dünyanın 19 ölkəsinin bu beynəlxalq təşkilata üzv olduğu bildirildi. NATO ilə Azərbaycanın əməkdaşlığı və tərəfdaşlığının əhəmiyyətini xüsusi vurğuladı. Ölkəmizin gələcəkdə bu nüfuzlu quruma üzv qəbul olunacağına dərin inamı ifadə edildi.
NATO-nun inkişaf perspektivlərini diqqətə çatdırdı.
Sonda natiq konfrans iştirakçılarını maraqlandıran suallara cavab verdi.
Bölmənin digər xəbərləri
