Bədii gimnast Həzra Qasımlı: Bakı çempionatında qalib olmaq istəyirəm
Bakı, 5 oktyabr, AZƏRTAC
“Neçə gündür, komandamızla birgə Bakı çempionatına hazırlaşırıq. Yarışlara baş məşqçimin də köməkliyi ilə yaxşı hazırlaşmışam”.
Bu sözləri AZƏRTAC-a açıqlamasında gimnastika üzrə 28-ci Bakı çempionatında çıxış edən “Ocaq Sport” klubunun üzvü Həzra Qasımlı deyib.
Səkkiz yaşlı gimnast beş ildir bu idman növü ilə məşğul olduğunu bildirib: “Üç yaşımdan gimnastika ilə məşğul oluram. Ailəm həmişə olduğu kimi məni dəstəkləmək üçün buradadır. İstəyirəm ki, bütün idmançı dostlarım yaxşı çıxış nümayiş etdirsinlər. Digər gimnastlar kimi, mənim də əsas istəyim qalib olmaqdır”.
Qeyd edək ki, bu gün startı verilən yarış oktyabrın 7-dək davam edəcək.
Bölmənin digər xəbərləri
