BƏHREYN KRALI ATASI ƏCNƏBİ OLAN 372 UŞAĞA TƏBƏƏLİK VERMİŞDİR

03.10.2006 [16:18]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, Bəhreyn kralı şeyx Həməd bin İsa Al Xəlifə 372 uşağa bu dövlətin təbəəliyinin verilməsi barədə fərman imzalamışdır. Bu, Bəhreyn qadınlarının öz hüquqları uğrunda mübarizəsində mühüm mərhələnin başlanğıcı, habelə ölkənin demokratikləşdirilməsi yolunda növbəti addımdır.

Krallığın qanunvericiliyində təbəələr üçün çoxlu imtiyaz, o cümlədən pulsuz təhsil almaq hüququ, tibbi sığorta və sair nəzərdə tutulmuşdur. Ancaq kralın təbəəsi olmaq asan deyildir. Təbii ki, ata-anası kralın təbəəsi olan uşaq vətəndaşlıq alır. Bəhreynli kişinin əcnəbi qadından övladı da ölkə vətəndaşı ola bilir. Lakin əri əcnəbi olan bəhreynli qadının övladı ömrü boyu ölkədə əcnəbi kimi yaşayır.

Kral fərmanı Bəhreyn Ali Qadın Şurasının uzun illər apardığı mübarizənin nəticəsidir. Öz hüquqlarını qorumaqda davam edən qadınlar təkcə əcnəbilərlə nikahdan olan övladlarına vətəndaşlıq verilməsi uğrunda mübarizə aparmırlar. Hazırda ictimai dairələrdə Bəhreyn qadınlarının əcnəbi ərlərinə də vətəndaşlıq verilməsi məsələsi müzakirə olunur.

BƏHREYN KRALI ATASI ƏCNƏBİ OLAN 372 UŞAĞA TƏBƏƏLİK VERMİŞDİR

MÜƏLLİFLƏ ƏLAQƏ

Bölmənin digər xəbərləri