BELARUS SƏFİRİ MƏTBUAT KONFRANSI KEÇİRMİŞDİR
Ölkələrimiz arasında diplomatik münasibətlərin 1993-cü il iyunun 11-də yarandığını bildirən səfir, hazırda Belarus-Azərbaycan münasibətlərinin müqavilə-hüquqi bazasını təşkil edən 35 sazişin imzalandığını söylədi. İkitərəfli münasibətlər tarixində ilk dəfə olaraq, 2006-cı ilin oktyabrında Azərbaycan Prezidenti İlham Əliyevin Belarusa rəsmi səfər etdiyini xatırladan diplomat dedi ki, indi Prezident Aleksandr Lukaşenkonun cavab səfərinə hazırlıq görülür. Azərbaycan Prezidentinin səfəri çərçivəsində bir sıra sənədlər, o cümlədən 2015-ci ilə qədər sosial-iqtisadi əməkdaşlıq haqqında müqavilə imzalanmışdır.
Cənab Nikolay Pastkeviç bildirdi ki, iki ölkə arasında ticarət-iqtisadi əlaqələri daha da inkişaf etdirmək üçün gələn il Azərbaycanda 100-dən çox müəssisənin iştirakı ilə Belarus milli sərgisinin açılması və ikinci Belarus-Azərbaycan biznes forumunun keçirilməsi də nəzərdə tutulur.
Sonra jurnalistlərin suallarına cavab verən səfir xalqımızın ən ağrılı problemi olan Ermənistan-Azərbaycan, Dağlıq Qarabağ münaqişəsinin həlli məsələsində ölkəsinin mövqeyini açıqlayaraq dedi ki, Belarus münaqişənin sülh yolu ilə, Azərbaycanın ərazi bütövlüyü çərçivəsində həllinin tərəfdarıdır.
Bölmənin digər xəbərləri
