Belarusda prezident seçkiləri ilə bağlı erkən səsvermə keçirilir
Bakı, 23 yanvar, AZƏRTAC
Belarusda prezident seçkiləri ilə bağlı erkən səsvermə keçirilir. Səsvermənin ilk iki günündə seçici fəallığı 17,67 faiz təşkil edib.
AZƏRTAC xəbər verir ki, bununla bağlı Belta informasiya agentliyi məlumat yayıb. Bildirilib ki, erkən səsvermə yanvarın 21-25-də keçirilir və əsas seçki günündə seçki məntəqələrinə gələ bilməyənlər üçün nəzərdə tutulub. Erkən səsvermə zamanı məntəqə komissiyaları saat 12:00-dan 19:00-dək fasiləsiz işləyəcək.
Əsas seçki günü yanvarın 26-na təyin edilib. Seçicilər saat 8:00-dan 20:00-dək səs verə biləcəklər.
Qeyd edək ki, ölkədə səsvermə prosesini ümumilikdə 44 min 361 milli müşahidəçi izləyir.
Bölmənin digər xəbərləri
