Belçikada azərbaycanlı uşağın erməni snayperi tərəfindən qətlə yetirilməsi ilə bağlı etiraz aksiyası keçirilmişdir
Bakı, 31 mart (AZƏRTAC). Azərbaycan-Belçika Dostluq Cəmiyyətindən AZƏRTAC-a bildirmişlər ki, doqquz yaşlı Fariz Bədəlovun erməni snayperi tərəfindən qətlə yetirilməsi ilə bağlı qurumun təşəbbüsü ilə Brüsseldə etiraz aksiyası keçirilmişdir.
Bu aksiya vasitəsilə Fariz Bədəlovun timsalında erməni millətçilərin Dağlıq Qarabağda çoxlu günahsız uşaqları qətlə yetirdikləri faktı bir daha Avropa ictimaiyyətinin diqqətinə çatdırılmışdır.
Cəmiyyətin sədri Ayhan Dəmirçi qeyd etmişdir ki, Avropada, o cümlədən Belçikada yaşayan soydaşlarımızın iştirakı ilə keçirilmiş aksiyada erməni qatillərinin cəzalandırılması tələb edilmiş, Ermənistanın təcavüzkar, işğalçı dövlət olduğu beynəlxalq təşkilatların diqqətinə çatdırılmışdır.
İştirakçılar, həmçinin 31 mart soyqırımına beynəlxalq səviyyədə hüquqi qiymətin verilməsini də tələb etmişlər.
Bölmənin digər xəbərləri
