Bərdə şəhər 4 nömrəli məktəb üçün inşa edilən bina bu il istifadəyə veriləcək
Bərdə, 8 fevral, Tahir Ağaməmmədov, AZƏRTAC
Bərdə şəhər 4 nömrəli tam orta məktəb üçün 624 şagird yerlik yeni bina inşa edilir.
AZƏRTAC-ın bölgə müxbiri xəbər verir ki, üçmərtəbəli yeni məktəb binası sinif otaqları, fənn kabinələri, kimya və fizika laboratoriyaları, idman və akt zalları, kitabxana, oxu zalı, bufet, yeməkxana və digər otaqlardan ibarətdir. Artıq binada dəmir-beton, hörgü və suvaq işləri başa çatıb, A və C korpuslarında dam örtüyü vurulub. Hazırda B korpusunda fermanın qurulmasına hazırlıq görülür, digər korpuslarda döşəmə vurulur, malyar işləri aparılır.
Məktəbin həyətində transformator, generator, içməli, çirkab və yanğın əleyhinə su anbarları tikiləcək, idman meydançası yaradılacaq, abadlıq və yaşıllıq işləri həyata keçiriləcək. Tikinti işlərinin may ayında başa çatdırılması nəzərdə tutulur.
Bölmənin digər xəbərləri
