Berlində və Baden-Vürtemberq əyalətində naməlum şəxslər insanlara hücum ediblər
Berlin, 31 dekabr, AZƏRTAC
Berlinin Şarlottenburq rayonunda naməlum şəxs küçədə insanlara bıçaqla xəsarətlər yetirib.
AZƏRTAC “Spiegel” qəzetinə istinadla xəbər verir ki, həmin şəxsin küçədə qarşısına çıxan insanlara bıçaqlı hücumu nəticəsində bir neçə nəfərin xəsarət aldığı bildirilir. Lakin yoldan keçən bir neçə nəfər onun hücumunun qarşısını ala bilib.
Hücum nəticəsində xəsarət alan şəxslərdən ikisi xəstəxanaya aparılıb.
Polis hadisəni törətməkdə şübhəli bilinən şəxsi saxlayıb.
x x x
Daha bir hadisə isə Almaniyanın Baden-Vürtemberq əyalətinin Qrünsfeld şəhərində baş verib.
Naməlum şəxs tikinti şirkətlərinin birindən qaçırdığı ekskavatoru avtomobillərin və insanların üzərinə sürüb. Polis həmin şəxsi saxlamaq üçün ekskavatoru uzun müddət təqib edib. Təqib zamanı üç polis əməkdaşı xəsarət alıb, bir neçə patrul avtomobilinə ciddi ziyan dəyib.
Polis həmin şəxsi saxlamaq üçün odlu silahdan istifadə etməli olub. Açılan atəş nəticəsində həmin şəxs zərərsizləşdirilib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
