“Beşiktaş” ilə “Qalatasaray” Türkiyə Super Kuboku uğrunda mübarizə aparacaqlar
Bakı, 13 avqust, AZƏRTAC
Bu gün futbol üzrə Türkiyə Super Kubokunun sahibi məlum olacaq.
AZƏRTAC xəbər verir ki, ölkə liqasının çempionu “Beşiktaş”la Türkiyə kubokunun sahibi “Qalatasaray” arasında keçiriləcək Super Kubok matçı Bakı vaxtı ilə 21:45-də başlayacaq. Konya Böyükşəhər Bələdiyyəsi stadionunda keçiriləcək oyunu hakim Mete Kalkavan idarə edəcək.
Qeyd edək ki, “Beşiktaş” ilə “Qalatasaray” 9 ildən sonra ikinci dəfə Super Kubok uğrunda mübarizədə qarşı-qarşıya gəlirlər. Belə ki, 2006-cı ildə keçirilən Super Kubok oyunu “qara qartallar”ın 1-0 hesablı qələbəsi ilə nəticələnmişdi.
Bölmənin digər xəbərləri
