BƏSTƏKARLARIN YARADICILIĞINA HƏSR OLUNMUŞ KİTAB

29.11.2003 [22:51]
Çap et
A⁺ A^-

Noyabrın 29-da Bəstəkarlar İttifaqında sənətşünaslıq namizədi, Bakı Musiqi Akademiyasının professoru İmruz Əfəndiyevanın yeni çapdan çıxmış “Sevda İbrahimovanın yaradıcılığında uşaqlar üçün musiqi” adlı kitabının təqdimat mərasimi olmuşdur.

İttifaqdan AZƏRTAC-ın müxbirinə demişlər ki, mərasimdə çıxış edən natiqlər Azərbaycan bəstəkarlıq məktəbinin tanınmış nümayəndəsi, əməkdar incəsənət xadimi, Bakı Musiqi Akademiyasının professoru Sevda İbrahimovanın uşaqlar üçün yazdığı və musiqi dilinin zənginliyi, obrazların cazibədarlığı, hisslərin poetik ifadəsi ilə səciyyələnən əsərlərindən danışmış, kitabın müəllifinə yeni yaradıcılıq uğurları arzulamışlar.

Sonra professor Sevda İbrahimova onun yaradıcılığına göstərilən diqqətə görə minnətdarlığını bildirmişdir.

Axırda Bülbül adına orta ixtisas musiqi məktəbinin və incəsənət gimnaziyası tələbələrinin ifasında Azərbaycan bəstəkarlarının əsərləri səslənmişdir.