BEYNƏLXALQ DƏNİZ TƏŞKİLATININ NÖVBƏTİ SESSİYASINDA TƏHLÜKƏSİZLİK MƏSƏLƏLƏRİ MÜZAKİRƏ OLUNACAQDIR
Azərbaycan Respublikasının Dövlət Dəniz Administrasiyasının ictimai siyasi xidmətindən AZƏRTAC-a bildirmişlər ki, mayın 6-dan 16-dək Londonda Beynəlxalq Dəniz Təşkilatının Dəniz Təhlükəsizliyi Komitəsinin 84-cü sessiyası keçiriləcəkdir.
Sessiyada Dənizdə İnsan Həyatının Mühafizəsinə dair 1974-cü il tarixli Beynəlxalq Konvensiyaya və dəniz nəqliyyatı sahəsində digər beynəlxalq müqavilələrə dəyişikliklərin edilməsi gözlənilir.
Azərbaycan Respublikasını sessiyada Dövlət Dəniz Administrasiyasının rəisi Qüdrət Qurbanovun rəhbərlik etdiyi nümayəndə heyəti təmsil edir.
Sessiyada dənizdə təhlükəsizliyin yüksəldilməsinə dair tədbirlər, gəmi tikintisində yeni standartlar, uzaqdan tanınma sistemləri,
gəmiçiliyin təhlükəsizliyi, təhlükəli yüklər, konteyner daşımaları, yanğın təhlükəsizliyi, gəmilərin quruluşu və avadanlıq, dənizdə təhlükəsizlik və mühafizəyə dair proqrama texniki yardım, əvvəlki sessiyada qəbul edilmiş qərar və sənədlərin icra vəziyyəti və digər məsələlərin müzakirə ediləcəyi bildirilir.
Bölmənin digər xəbərləri
