Bilal Dündar: TANAP Azərbaycanın və Türkiyənin dünyada nüfuzunu daha da artıracaq
Bakı, 2 dekabr, AZƏRTAC
Trans-Anadolu qaz kəmərinin (TANAP) işə salınması Azərbaycanın və Türkiyənin regionda o, cümlədən dünyada nüfuzunu artıracaq mühüm hadisədir.
Bu fikri AZƏRTAC-a açıqlamasında Türkiyə-Azərbaycan Dərnəkləri Federasiyasının sədri Bilal Dündar bildirib.
Federasiyanın sədri qeyd edib ki, bu layihə Türkiyə və Azərbaycan xalqları arasında qardaşlıq münasibətlərinin daha bir göstəricisidir. TANAP enerji sahəsində "İpək yolu" olmaqla Türkiyəni regionun enerji gücünə çevirir.
B.Dündar əlavə edib ki, hər iki qardaş ölkənin reallaşdırdığı bu layihə Avropanın enerji tələbatını ödəyəcək. Azərbaycan və Türkiyə bir daha dünyada və regionda mühüm yerə malik olduqlarını təsdiqlədilər. TANAP-ın işə salınması Azərbaycanın və Türkiyənin Avropa İttifaqı ilə iqtisadi və siyasi əməkdaşlığının inkişafına xidmət edəcək.
Bölmənin digər xəbərləri
