Birləşmiş Ştatların neft ehtiyatları artıb
Bakı, 30 may, AZƏRTAC
ABŞ-ın xam neft ehtiyatları artır.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 7,9 milyon barrel (1,5 faiz) artaraq 534,4 milyon barrel olub. Bazar proqnozları isə ehtiyatların 1,9 milyon barrel azalacağı istiqamətində idi. Əvvəlki həftə neft ehtiyatları 5 milyon barrel geriləmişdi. Beləliklə ehtiyatlar ardıcıl 2 həftə azaldıqdan sonra yenidən artıb.
ABŞ-ın strateji neft ehtiyatları isə 2,1 milyon barrel (0,3 faiz) çoxalaraq 643,8 milyon barrel olub.
Ölkənin benzin ehtiyatları hesabat həftəsində 700 min barrel (0,3 faiz) azalaraq 255 milyon barrel təşkil edib. Bazar proqnozları ehtiyatların 100 min barrel çoxalacağı istiqamətində idi. Benzin ehtiyatları əvvəlki həftə 2,8 milyon barrel artmışdı.
Bölmənin digər xəbərləri
