BMT: Gələn il 45 milyon insan aclıq təhlükəsi ilə üzləşəcək
Bakı, 1 dekabr, AZƏRTAC
BMT 2023-cü il üçün indiyədək ən böyük həcmdə - 51,5 milyard dollar dəyərində humanitar yardım tələb edir.
AZƏRTAC xarici KİV-lərə istinadla bildirir ki, bu məbləğ əvvəlki dövrə nisbətən 25 faiz çoxdur. Təşkilatın 2023-cü il Qlobal Humanitar Yardım üzrə Ümumi Layihəsinə əsasən, gələn il humanitar yardım alacaq insanların sayının 2022-ci ilə nisbətən 65 milyon artaraq 69 ölkədə təxminən 339 milyon nəfərə çatacağı təxmin edilir. 2023-cü ildə 37 ölkədə 45 milyon insan aclıq təhlükəsi ilə üzləşəcək.
Qeyd edək ki, bu il humanitar təşkilatlar yardıma ən çox ehtiyacı olan 157 milyon insana maddi dəstək göstərib.
Bölmənin digər xəbərləri
