Boks üzrə Azərbaycan birinciliyinin qalibi: Hədəfim Avropa çempionu olmaqdır
Bakı, 8 fevral, Leyla Qurbanova, AZƏRTAC
Ölkə birinciliyində ən güclü boksçular mübarizə aparırdılar. Final qarşılaşmam çox gərgin idman mübarizəsi şəraitində keçdi. Düşünürəm ki, gərgin məşqlər sayəsində bu gün çempion ola bildim.
Bu sözləri gənclər arasında Azərbaycan birinciliyində 52 kiloqram çəki dərəcəsində çempion olan Ruslan Qədirov AZƏRTAC-a müsahibəsində deyib.
Bu qələbədən sonra qətiyyən arxayınlaşmayacağını və məşqlərə ara verməyəcəyini, hazırlığı fasiləsiz davam etdirəcəyini vurğulayan gənc idmançı bildirib: “Qarşıda bizi bir sıra yarışlar gözləyir. Apreldə Kosovoda keçiriləcək Avropa çempionatında gücümü sınayacağam. Hədəfim Avropa çempionatının qalibi olmaqdır”.
Bölmənin digər xəbərləri
