BOKT “İnternational” QSC-nin istiqrazlarının “Açılış Zəngi” mərasimi keçirilib
Bakı, 7 iyun, AZƏRTAC
İyunun 7-də Bakı Fond Birjasında (BFB) “BOKT “İnternational” QSC-nin kapital bazarlarında növbəti istiqraz buraxılışını qeyd etmək məqsədilə “Açılış Zəngi” mərasimi keçirilib.
BFB-dən AZƏRTAC-a bildirilib ki, 2 milyon manat həcmində olan yerləşdirmənin anderrayteri Bakı Fond Birjasının üzvü olan “AzFinance İnvestisiya Şirkəti” QSC-dir. BFB-nin sədri vəzifəsini müvəqqəti icra edən Eldar Abdullayev BOKT “İnternational” QSC-nin birja vasitəsilə həyata keçirdiyi istiqraz buraxılışının Azərbaycanda maliyyə sektorunun inkişafı istiqamətində aparılan tədbirlərin uğurlu nəticəsi olduğunu, maliyyə sektorunun inkişafına töhfə verməklə yanaşı, vətəndaşlar üçün yeni investisiya imkanlarının formalaşmasında xüsusi rol oynayacağını deyib.
Bölmənin digər xəbərləri
