Böyük Britaniya Azərbaycanda iqtisadi proseslərin dəstəklənməsində mühüm rol oynaya bilər - EKSPERT
Bakı, 5 fevral, Tamilla Məmmədova, AZƏRTAC
Böyük Britaniyanın dünyanın aparıcı maliyyə mərkəzlərindən biri statusuna malik olması və ən iri beynəlxalq bankların burada cəmləşməsi ona Azərbaycanda iqtisadi proseslərin dəstəklənməsində əhəmiyyətli rol oynamaq imkanı yaradır.
Bu fikirləri AZƏRTAC-ın saytında yayımlanan “Azərbaycan və dünya” proqramının növbəti buraxılışında britaniyalı ekspert Nil Uotson səsləndirib.
Cənubi Qafqazda regional sabitliyin təmin olunması və iqtisadi inkişafın təşviqi baxımından Böyük Britaniyanın imkanlarını şərh edən Nil Uotson bildirib ki, London uzun müddətdir ardıcıl şəkildə fəal iqtisadi diplomatiya həyata keçirir, infrastruktur layihələrinə və strateji təşəbbüslərin maliyyə müşayiətinə xüsusi diqqət ayırır.
Ekspert qeyd edib ki, hazırda Azərbaycana, o cümlədən azad edilmiş ərazilərin minalardan təmizlənməsi layihələri çərçivəsində, əhəmiyyətli həcmdə maliyyə vəsaiti daxil olur. Bununla paralel olaraq özəl investisiyalar fəallaşır, suveren fondlardan və risklərin sığortalanması alətlərindən istifadə edilir.
İqtisadi aspektlə yanaşı, Uotson siyasi müstəviyə də diqqət çəkib. Onun sözlərinə görə, Azərbaycanla Ermənistan arasında sülh prosesi yekun mərhələyə yaxınlaşıb, ABŞ Prezidenti Donald Tramp administrasiyası dövründə atılmış addımlar isə danışıqların daha da irəliləməsinə töhfə verib.
Bölmənin digər xəbərləri
