BÖYÜK BRİTANİYADA AZƏRBAYCANLI TƏLƏBƏLƏRDƏN İBARƏT FUTBOL KLUBU YARADILMIŞDIR
AZƏRTAC xəbər verir ki, Böyük Britaniyada azərbaycanlı gənclərdən ibarət “Baku United” futbol klubu yaradılmışdır.
Klubun meneceri İlham Nağıyev bildirmişdir ki, artıq xeyli vaxtdır ki, həyata keçirilməsi planlaşdırılan layihə nəhayət gerçəkləşdirildi. Klub artıq martın 16-da Londonda başlanacaq MDB ölkələri komandalarının ənənəvi çempionatında gücünü sınayacaqdır. Azərbaycanlılardan ibarət komanda ilk dəfə olaraq bu cür yarışda çıxış edəcəkdir. Turnirdə MDB ölkələrini təmsil edəcək tələbələrdən ibarət komandalar yarışacaqlar.
İlham Nağıyev futbol klubu ilə yanaşı, Londonda “Odlar Yurdu” cəmiyyətinin də fəaliyyətə başladığını demişdir. Bu yaxınlarda cəmiyyətin “London Azərbaycan Evi”ndə təqdimatı keçiriləcəkdir. Yeni qurulan cəmiyyyətin məqsədi Britaniyada təhsil alan azərbaycanlı tələbələri birləşdirmək, ölkəmizin həqiqətlərinin tanıtdırılmasında onları aktiv fəaliyyətə qoşmaqdır.
Bölmənin digər xəbərləri
