Böyük Britaniyada xəstəlik daşıyıcısı olan ağcaqanadlar aşkarlanıb
London, 2 oktyabr, AZƏRTAC
Alimlər iqlim dəyişikliyi səbəbindən Böyük Britaniyada tropik xəstəlik daşıyıcısı olan ağcaqanadların yayıla biləcəyi barədə xəbərdarlıq ediblər.
AZƏRTAC “The Independent”ə istinadla xəbər verir ki, Böyük Britaniyanın Səhiyyə Təhlükəsizliyi Agentliyinin tədqiqat qrupları ölkədə iki təhlükəli növün: misir ağcaqanadının və Asiya pələngi və ya meşə ağcaqanadının izinə düşüblər. Bu ağcaqanadlar ilk dəfə ölkədə qeyri-yerli həşəratların aşkarlanması üçün qurulmuş xüsusi tələ vasitəsilə aşkarlanıb.
Mütəxəssislərin sözlərinə görə, bu ağcaqanadlar subtropik və tropik iqlimlərlə bağlıdır və Avropada əhəmiyyətli ictimai sağlamlıq təhdidi yaradır. Çünki hər iki növ sarı və denge qızdırması, çikunqunya, Zika və dirofilarioz kimi xəstəliklərin daşıyıcısıdır.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
