BÖYÜK BRİTANİYANIN 2003-CÜ İLDƏ BÜDCƏ KƏSİRİ 37 MİLYARD FUNT STERLİNQ OLACAQ

11.12.2003 [20:39]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə bildirilir ki, Böyük Britaniyanın 2003-cü ildə büdcə kəsirinin 37 milyard funt sterlinq (62 milyard dollardan çox) olacağı gözlənilir. Bunu Birləşmiş Krallığın maliyyə naziri Qordon Braun 2004-cü ilin büdcə layihəsini parlamentdə təqdim edərkən bildirmişdir.

Beləliklə, hökumətin borcu 2003-cü ilin büdcəsində nəzərdə tutulduğundan 13 milyard funt sterlinq çox olacaqdır. Böyük Britaniya beynəlxalq terrorizmlə və İraqdakı hərbi əməliyyatlarla əlaqədar böyük xərc çəkmişdir. Bu məqsədlər üçün büdcədən 6,3 milyard funt sterlinq (10 milyard dollardan çox) vəsait ayrılmışdı.

Qordon Braun onu da bildirmişdir ki, hazırda Britaniya iqtisadiyyatı son 130 il ərzində sülh şəraitində ən sabit artım dövrünü keçirir. Birləşmiş Krallığın borcu və büdcə kəsiri inkişaf etmiş bir çox ölkələrdəkindən xeyli azdır.

BÖYÜK BRİTANİYANIN 2003-CÜ İLDƏ BÜDCƏ KƏSİRİ 37 MİLYARD FUNT STERLİNQ OLACAQ

MÜƏLLİFLƏ ƏLAQƏ

Bölmənin digər xəbərləri