BÖYÜK BRİTANİYANIN ATƏT-DƏKİ NÜMAYƏNDƏSİ MİLLİ MƏCLİSDƏ OLMUŞDUR
S.Seyidov demişdir ki, Azərbaycan Avropa Şurası, NATO, Qara dəniz İqtisadi Əməkdaşlıq Təşkilatı, İslam Konfransı Təşkilatı və digər beynəlxalq qurumlarla sıx əməkdaşlıq edir. Ölkəmiz ATƏT və onun Parlament Assambleyası ilə əməkdaşlığa da xüsusi əhəmiyyət verir. Çünki ATƏT-in Minsk qrupu bilavasitə Ermənistan-Azərbaycan, Dağlıq Qarabağ münaqişəsinin həlli ilə məşğul olur. Ümid edirik ki, Minsk qrupu problemin aradan qaldırılması üçün bundan sonra daha fəal olacaq və münaqişə öz ədalətli həllini tapacaqdır.
Kolin Monro Azərbaycanda gedən inkişaf prosesindən, xüsusi ilə iqtisadi inkişaf sürətindən məmnunluğunu ifadə etmişdir. Bildirmişdir ki, iqtisadiyyatın belə intensiv inkişafı Dağlıq Qarabağ münaqişəsinin həllində də mühüm amil ola bilər.
Sonra görüşdə Böyük Britaniya ilə Azərbaycan arasında münasibətlərin inkişaf perspektivləri, regionda gedən proseslər və qarşılıqlı maraq doğuran digər məsələlər ətrafında geniş fikir mübadiləsi aparılmışdır.
Görüşdə Böyük Britaniyanın ölkəmizdəki səfiri Lorens Bristoun iştirak etmişdir.
Bölmənin digər xəbərləri
