BRAZİLİYA FUTBOL FEDERASİYASININ PREZİDENTİ 10 İL MÜDDƏTİNƏ HƏBS CƏZASI ALA BİLƏR
Hazırda Braziliya polisi Teşeyranın 1998-ci ildə maliyyə fəaliyyətinin təfərrüatını araşdırır. O vaxt BFF ABŞ banklarının birindən (adı açıqlanmır) 30 milyon dollar məbləğində kredit götürmüş, Teşeyra isə, istintaqın güman etdiyinə görə, “rüşvət” kimi xeyli pul almışdır.
Bundan əlavə, BFF başçısı vergiləri ödəməməkdə və banklardan birinin hesabına pul köçürməkdə təqsirləndirilir. Bu ittihamlar federasiyanın baş katibi Marko Antonio Teşeyraya və təşkilatın maliyyə direktoru Joze Salimə qarşı da irəli sürülmüşdür.
Maraqlıdır ki, bu qalmaqal dünya çempionatı sona yetən kimi başlanmışdır. Görünür, braziliyalıların çempion adı uğrunda mübarizəni vaxtından əvvəl dayandırması öz təsirini göstərmişdir.
Bölmənin digər xəbərləri
