Braziliya Prezidenti güclü daşqın səbəbindən Çiliyə səfərini təxirə salıb
Bakı, 14 may, AZƏRTAC
Braziliya Prezidenti Luis İnasiu Lula da Silva Braziliyanın Riu-Grandi-du-Sul vilayətindəki daşqın vəziyyətini izləmək və yardımı əlaqələndirmək üçün Çiliyə rəsmi səfərini təxirə salıb.
AZƏRTAC xəbər verir ki, bu barədə Braziliyanın Xarici İşlər Nazirliyindən bildirilib.
"Prezident Luis İnasiu Lula da Silvanın mayın 17-18-nə planlaşdırılan Çili səfəri Riu-Grandi-du-Sul vilayətindəki daşqının vəziyyətinə nəzarət etmək və zərərçəkmiş əhaliyə yardımın koordinasiyasına ehtiyac olduğu üçün təxirə salınıb", - deyə açıqlamada vurğulanır.
“O Globo” qəzetinin məlumatına görə, daşqınlar nəticəsində həlak olanların sayı artıq 147-yə çatıb. Ümumilikdə fəlakətdən 2,1 milyon insan zərər çəkib. Braziliya lideri daşqınları ətraf mühit sahəsində Braziliya tarixində ən böyük faciələrindən biri adlandırıb.
Bölmənin digər xəbərləri
