BRAZİLİYADA AVTOBUS, HİNDİSTANDA VERTOLYOT QƏZAYA UĞRAMIŞDIR
Polisin məlumatına görə, avtobusda 43 nəfərin əksəriyyəti 10-17 yaşlı məktəblilər idi. 11 adam, o cümlədən sürücü xilas edilmiş və ağır vəziyyətdə yerli xəstəxanaya aparılmışdır.
Ştatın mülki müdafiə xidmətinin məlumatına görə, ölənlərin sayı, çox güman, artacaqdır, çünki itkin düşmüş uşaqlar var.
Ehtimal edilir ki, qəza avtobusun texniki nasazlığı ucbatından baş vermişdir.
Elə həmin gün Hindistanın Meqhalay ştatında Mi-8 vertolyotu qəzaya uğramışdır. Qəza nəticəsində on adam, o cümlədən Meqhalay ştatı hökumətinin kənd təsərrüfatı naziri həlak olmuşdur.
Hindistanın PTİ informasiya agentliyinin məlumatına görə, qəzanın pis hava şəraiti ilə əlaqədar baş verdiyi ehtimal olunur. Hadisənin səbəblərini araşdırmaq üçün xüsusi komissiya yaradılmışdır.
Bölmənin digər xəbərləri
