Bu ilin on ayında respublika ərazisində 2426 yol-nəqliyyat hadisəsi qeydə alınmışdır
Bakı, 18 noyabr (AZƏRTAC). 2013-cü ilin on ayı ərzində respublika ərazisində 2426 yol-nəqliyyat hadisəsi qeydə alınmışdır.
Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev AZƏRTAC-a bildirmişdir ki, bu hadisələr nəticəsində 971 nəfər ölmüş, 2558 nəfər yaralanmışdır. Ötən ilin müvafiq dövrü ilə müqayisədə hadisələrin sayı 26 fakt, yaralananların sayı 48 nəfər azalmış, həlak olanların sayı isə 2 nəfər artmışdır.
Yol-nəqliyyat hadisələrinin əksəriyyəti avtomobillərin toqquşması və aşması, yüksək sürətlə idarə olunması, piyadaların vurulması, yol ayrıclarından keçmə, ötmə və manevr qaydalarının pozulması və digər səbəblərdən baş vermişdir.
Bölmənin digər xəbərləri
