Büdcə vəsaitlərin artırılması yeni tibb mərkəzlərinin yaradılmasına imkan vermişdir
Bakı, 5 yanvar (AZƏRTAC). Azərbaycanda səhiyyəyə ayrılan büdcə vəsaiti 2003-cü illə müqayisədə 11 dəfədən çox artaraq hazırda təxminən 669 milyon manat təşkil edir. 2014-cü il üçün 725 milyon vəsait nəzərdə tutulmuşdur ki, bu da 2013-cü illə müqayisədə 8 faizdən çox artım deməkdir.
AZƏRTAC xəbər verir ki, bu fikirləri səhiyyə nazirinin müavini Elsevər Ağayev Yeni Azərbaycan Partiyasının saytına müsahibəsində bildirmişdir.
Nazir müavini demişdir ki, büdcə vəsaitlərinin artırılması və investisiya fondundan ayrılan vəsait respublikamızda aparıcı texnologiyalarla, müasir tibbi avadanlıqla təchiz olunmuş yeni tibb mərkəzlərinin yaradılmasına imkan vermişdir. Səhiyyənin inkişaf meylləri 2013-cü ildə də davam etdirilmiş, bu da öz növbəsində tibbi demoqrafik və səhiyyə göstəricilərinin yaxşılaşması üçün zəmin yaratmışdır.
Bölmənin digər xəbərləri
