BVF-NİN NÜMAYƏNDƏSİ GÖMRÜK KOMİTƏSİ İLƏ ƏMƏKDAŞLIĞIN NƏTİCƏLƏRİNDƏN RAZIDIR
İyulun 18-də Dövlət Gömrük Komitəsinin sədri, gömrük xidməti general-polkovniki Kamaləddin Heydərovun Beynəlxalq Valyuta Fondunun (BVF) ikinci Avropa departamentinin direktoru Con Oldinq-Sminin başçılıq etdiyi nümayəndə heyətinin görüşündə Azərbaycanın gömrük təşkilatında aparılan islahatlar, bu orqanların strukturunun modernləşdirilməsi məqsədi ilə görülən işlər, büdcə gəlirlərinin təmin olunmasında, sahibkarlığın inkişaf etdirilməsində gömrük siyasətinin rolu barədə fikir mübadiləsi aparılmışdır.
Kəmalədddin Heydərov gömrük sistemində vahid informasiya və lokal şöbələrin məlumat bazalarının, idarəetmə sistemlərinin, gömrük orqanları üçün avtomatlaşdırılmış sistemlərin yaradıldığını bildirmişdir.
Con Oldinq-Smi Dövlət Gömrük Komitəsi ilə BVF-nin əməkdaşlığının konkret nəticələrindən məmnun qaldığını bildirmiş, görüləcək işlər barədə mülahizələrini söyləmişdir.
Görüşdə qarşılıqlı maraq doğuran digər məsələlər də müzakirə edilmişdir.
Bölmənin digər xəbərləri
