Cari ilin 11 ayında Gürcüstan elektrik enerjisini ən çox Azərbaycandan idxal edib
Tbilisi, 22 dekabr, AZƏRTAC
Gürcüstan 2018-ci ilin yanvar-noyabr aylarında 1,28 milyard kilovat-saatdan çox elektrik enerjisi idxal edib.
AZƏRTAC xəbər verir ki, bu barədə “Gürcüstanın elektrik enerjisi sisteminin kommersiya operatoru” (ESCO) məlumat yayıb.
Qurumun məlumatında deyilir ki, 11 ayda Gürcüstan ən çox elektrik enerjisini Azərbaycandan idxal edib - 1 milyard kilovat-saat.
Qonşu ölkə hesabat dövründə Rusiyadan 203 milyon kilovat-saat, Türkiyədən 64,3 milyon kilovat-saat, Ermənistandan isə 7,8 milyon kilovat-saat elektrik enerjisi idxal edib.
Gürcüstanın təkcə noyabr ayında idxal etdiyi elektrik enerjisinin 98 faizdən çoxu (215,5 milyon kilovat-saat) Azərbaycanın payına düşüb.
Noyabr ayında Gürcüstan 219 milyon kilovat-saat elektrik enerjisi idxal edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
