CARİ İLİN SONUNADƏK MİNİMUM ƏMƏK HAQQININ HƏDDİ 40 MANATA ÇATDIRILACAQDIR
Milli Məclisin sosial siyasət daimi komissiyasından AZƏRTAC-a bildirmişlər ki, əhalinin sosial müdafiəsinin gücləndirilməsi istiqamətində tədbirlər uğurla davam etdirilir. Son üç il ərzində ölkədə yoxsulluğun səviyyəsi kəskin surətdə azalaraq 49 faizdən 29 faizə enmişdir. Yaşa görə əmək pensiyalarının minimum məbləği 1,8 dəfə, orta aylıq əmək haqqı 2 dəfə, minimum aylıq əmək haqqı isə 3,3 dəfə artırılmışdır. Hesabat dövründə əhalinin pul gəlirləri 2 dəfə çoxalmışdır. Azərbaycan Prezidentinin bəyan etdiyi kimi, ilin sonunadək minimum əmək haqqının həddi 30 manatdan 40 manata çadırılacaqdır.
Bölmənin digər xəbərləri
