Cavid Qurbanov: Həddən artıq yüklənmiş maşınlar yolları sıradan çıxarır
Bakı, 23 noyabr (AZƏRTAC). Azərbaycanda avtomobil yollarının vəziyyəti qənaətbəxşdir.
AZƏRTAC xəbər verir ki, bunu “Azəryolservis” Açıq Səhmdar Cəmiyyətinin (ASC) sədri Cavid Qurbanov jurnalistlərə müsahibəsində demişdir. C.Qurbanov bildirmişdir ki, respublikanın magistral yollarının əksəriyyətində təmir işləri aparılmışdır. Bəzilərində isə bu işlər davam edir. Vaxtilə ümumi yolların heç 5 faizi asfalt deyildi. Hazırda yolların 75 faizi təmir olunmuşdur və proses davam etməkdədir. Ümumiyyətlə, yolların təmiri həm böyük maliyyə, həm də fiziki qüvvə tələb edən işdir.
Ağır tonnajlı nəqliyyat vasitələrinin yollara vurduğu ziyan barədə danışan ASC sədri vurğulamışdır ki, həddən artıq yüklənmiş maşınlar yolları sıradan çıxarır. Buna son qoymaq lazımdır.
Bölmənin digər xəbərləri
