Cəlilabadda yol qəzası baş verib, 4 nəfər xəsarət alıb
Cəlilabad, 19 oktyabr, İlkin Adıyev, AZƏRTAC
Cəlilabad rayonunda yol-nəqliyyat hadisəsi baş verib. Hadisə köhnə Ələt–Astara magistral yolunun Göytəpə şəhərindən keçən hissəsində qeydə alınıb.
AZƏRTAC-ın bölgə müxbiri xəbər verir ki, Astara istiqamətində hərəkət edən “VAZ-2106” markalı minik avtomobili qarşıdan gələn “Mercedes” markalı avtomobillə toqquşub.
Qəza nəticəsində 4 nəfər xəsarət alıb. Onlar Cəlilabad Mərkəzi Rayon Xəstəxanasına çatdırılıb. Hadisə ilə bağlı araşdırma aparılır.
Bölmənin digər xəbərləri
