CƏLİLABADDAN GƏTİRİLMİŞ QUŞ LEŞLƏRİNİN MÜAYİNƏSİNİN NƏTİCƏSİ NOYABRIN 9-DA MƏLUM OLACAQDIR
Dövlət Baytarlıq Xidmətinin mətbuat mərkəzindən AZƏRTAC-a bildirmişlər ki, qurumun mütəxəssisləri dərhal həmin ərazidə olmuş və ölmüş quşlardan müayinə üçün patoloji nümunələr götürmüşlər. Kliniki əlamətlərdən və ilkin patoloji müayinədən aydın olmuşdur ki, quşlar kokk mənşəli infeksiyalar və kolibakterioz xəstəliyi üzündən tələf olmuşdur.
Qeyd edilməlidir ki, belə tələfat hallarının “quş qripi” və Nyukasl xəstəliyi ilə heç bir əlaqəsi yoxdur. Buna baxmayaraq, götürülmüş nümunələr Respublika Baytarlıq Laboratoriyasında daha dəqiq və etibarlı şəkildə müayinə edilməkdədir. Müayinələrin nəticəsi noyabrın 9-da məlum olacaqdır.
Dövlət Baytarlıq Xidməti onu da bildirir ki, bu günə kimi ölkəmizdə “quş qripi” virusu xəstəliyinə təsadüf edilməmişdir.
Bölmənin digər xəbərləri
