Cenevrədə Ketrin Eşton ilə Cavad Zərif arasında danışıqlar aparılmışdır
Bakı, 23 noyabr (AZƏRTAC). Avropa İttifaqının xarici işlər və təhlükəsizlik siyasəti üzrə ali nümayəndəsi Ketrin Eşton və İran Xarici İşlər Nazirliyinin rəhbəri Cavad Zərif Rusiyanın xarici işlər naziri Sergey Lavrovla görüşdən sonra danışıqlar aparmışlar.
Bu barədə jurnalistlərə Avropa diplomatiyasının rəhbərinin mətbuat katibi Maykl Mann məlumat vermişdir.
Əvvəl xəbər verildiyi kimi, Rusiya Federasiyası XİN başçısı Sergey Lavrov Cenevrədə Cavad Zərif və Ketrin Eşton ilə ikitərəfli danışıqlar aparmışdır. Həmin danışıqların təfsilatı bildirilmir.
İsveçrəyə dünən axşam gəlmiş rusiyalı nazir dərhal rəsmi Tehranla “altılıq” ölkələrinin (BMT Təhlükəsizlik Şurasının beş daimi üzvü və Almaniya) danışıqları çərçivəsində müxtəlif görüşlər keçirilən “İnterkontinental” otelinə yola düşmüşdür.
Bölmənin digər xəbərləri
