“CƏNUB MİRVARİSİ - 2008” FUTBOL TURNİRİNDƏ NÖVBƏTİ TURUN OYUNLARI KEÇİRİLMİŞDİR
AZƏRTAC xəbər verir ki, Cənub Regional Futbol Federasiyasının təşkilatçılığı və “Xəzər-Lənkəran” futbol klubunun maliyyə dəstəyi ilə 1994-95-cü il təvəllüdlü yeniyetmələr arasında keçirilən “Cənub mirvarisi - 2008” futbol turnirində növbəti turun oyunları olmuşdur.
İki qrupda keçirilən yarışda 14 komanda mübarizə aparır. Sonuncu turun oyunlarından sonra 5 görüşdən 10 xal toplamış Yardımlı komandası birinci qrupda yarış cədvəlinə başçılıq edir. Biləsuvar idmançıları ikinci, “Ərkivanspor” isə üçüncü yeri tuturlar.
Digər qrupda ən yüksək göstərici Uşaq-Gənclər İdman Məktəbinin yetirmələrinə məxsusdur. İkinci-üçüncü yerləri isə “Xəzər-Lənkəran” və “Sütəmurdov bələdiyyəsi” komandaları bölüşürlər.
Bölmənin digər xəbərləri
