CEYMS BEYKER İSRAİLSİZ YAXIN ŞƏRQ KONFRANSI KEÇİRİLMƏSİNİ TƏKLİF EDİR
Nəşrin Ağ evdəki mənbələrinin məlumatına görə, konfransda ərəb ölkələrinin və İranın nümayəndə heyətləri, habelə avropalılar və amerikalılar iştirak etməlidirlər, lakin İsrailə foruma qatılmaq üçün dəvət göndərilməməlidir.
Bu ideya müəlliflərinin fikrincə, İsrailin forum iştirakçıları sırasına daxil edilməməsi “İsrail tərəfindən təzyiq olmadan, Birləşmiş Ştatlara ərəblərlə və İranla qarşılıqlı anlaşmaya nail olmaq imkanı verəcəkdir”. Ağ evdə bildirirlər ki, bu təklif son bir ayda hökumətin əməkdaşları arasında diskussiyalar üçün ən kəskin mövzu olmuşdur. İndiki dövlət katibi Kondoliza Rays öz sələfi Beykerin təşəbbüsünü tamamilə dəstəkləyir.
Güman edilir ki, formal olaraq, konfrans İraqın gələcəyinə həsr edilsə də, diskussiyalar üçün əsas mövzu ərəblərin və İsrailin 1967-ci ilin, müharibədən əvvəlki sərhədlərinə qayıtması barədə İranın tələbi olmalıdır. İsrail qoşunlarının və yaşayış məskənlərinin 1967-ci il müharibəsi dövründə işğal edilmiş ərazilərdən çıxarılması müsəlman ölkələrinin sülhün bərpası üçün irəli sürdükləri əsas şərtdir.
Bölmənin digər xəbərləri
