Çempion boksçu: Əzmkarlıq və sarsılmaz iradəm sayəsində qalib gəldim
Bakı, 9 fevral, Leyla Qurbanova, AZƏRTAC
Azərbaycan birinciliyinə yaxşı hazırlaşmışdım. Amma rəqiblərim də güclü idilər. Düşünürəm, əzmkarlıq və sarsılmaz iradə sayəsində qələbə qazandım.
Bu sözləri AZƏRTAC-a müsahibəsində gənc boksçular arasında Azərbaycan birinciliyində 64 kiloqram çəki dərəcəsində çempion olan Elmir Novruzov deyib.
Azərbaycan çempionu kimi qarşıdakı yarışlarda onun üzərinə daha böyük məsuliyyət düşdüyünü vurğulayan idmançı deyib: “Boks ölkəmizdə inkişaf etmiş idman növlərindən biridir. Buna görə də yerli yarışlarda böyük rəqabət olur. Zalda döyüşümü izləyən azarkeşləri, məşqçilərimi və yaxınlarımı sevindirdiyim üçün məmnunam. Çalışacağam ki, qarşıdakı beynəlxalq turnirlərə yüksək səviyyədə hazırlaşım”.
Bölmənin digər xəbərləri
