ÇEMPİONAT AVSTRİYA VƏ İSVEÇRƏNİN HƏR BİRİNƏ 470 MİLYON AVRO QAZANC GƏTİRƏCƏKDİR
AZƏRTAC xarici KİV-lərə istinadla xəbər verir ki, Avstriya və İsveçrədə keçiriləcək futbol üzrə XIII Avropa çempionatının final mərhələsi rekord məbləğ - 1,3 milyard avro qazanc gətirəcəkdir. Bu məbləğ 2004-cü ildə Portuqaliyada keçirilmiş çempionatda əldə edilmiş qazancdan 35 faiz çoxdur.
Bu barədə məlumat verən Avropa Futbol Federasiyaları Assosiasiyasının (UEFA) baş katibi Devid Teylor həmin məbləğin çox hissəsinin “Adidas”, “Kenon”, “Makdonalds”, “Castrol” kimi şirkətlərdən və s. sponsorlardan daxil olacağını, eləcə də televiziya verilişləri hüquqlarının satışından əldə ediləcəyini bildirmişdir.
Çempionatın keçirilməsi 600 milyon avroya başa gələcəkdir. Sponsorların fikrinə görə, ümumilikdə Avropa iqtisadiyyatı turnirdən 1,4 milyard avro, çempionata ev sahibliyi edən Avstriya və İsveçrə isə hərəyə 470 milyon avro qazanacaqlar.
Bölmənin digər xəbərləri
