Çində avtomobil qəzasında 9 nəfər ölüb
Pekin, 13 aprel, AZƏRTAC
Çinin Fucien vilayətində iri yük avtomobilinin yoldan çıxaraq ətrafdakı evlərin üzərinə aşması nəticəsində ən azı 9 nəfər ölüb, 8 nəfər yaralanıb.
AZƏRTAC yerli KİV-lərə istinadla xəbər verir ki, hadisə Fucou şəhərinin Luoyuan qəsəbəsində baş verib. Bütün yaralılar xəstəxanalara yerləşdiriliblər.
Hazırda hadisə yerində xilasedicilər çalışır. Ölü və yaralı sayının çoxalma ehtimalı var.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
