Çində keçiriləcək Azərbaycan Mədəniyyəti Günlərində geniş tərkibli nümayəndə heyətimiz iştirak edəcəkdir
Bakı, 16 may (AZƏRTAC). Xəbər verdiyimiz kimi, mayın 23-dən 27-dək Çin Xalq Respublikasında Azərbaycan Mədəniyyəti Günləri keçiriləcəkdir.
Mədəniyyət və Turizm Nazirliyinin beynəlxalq əlaqələr və mədəniyyət proqramları şöbəsindən AZƏRTAC-a bildirmişlər ki, mədəniyyət günlərində nazir Əbülfəs Qarayevin başçılığı ilə nümayəndə heyəti iştirak edəcəkdir.
Nümayəndə heyətinin tərkibinə Azərbaycan Turizm İnstitutunun rektoru Cəfər Cəfərov, Teatr Xadimləri İttifaqının sədri Azər Paşa Nemət, eləcə də parlament və icra hakimiyyətinin təmsilçiləri daxildirlər.
Mədəniyyət günləri çərçivəsində təşkil olunacaq tədbirlərdə rəsmi nümayəndə heyəti və işçi qrupu ilə yanaşı, məşhur solistlər, Azərbaycan Dövlət Rəqs Ansamblının üzvləri, Dövlət Kamera Orkestrinin musiqiçiləri və media nümayəndələri iştirak edəcəklər.
Bölmənin digər xəbərləri
