DÜNYA
Çində Si Cinpinin siyasi fəlsəfəsindən bəhs edən “Chat Xi PT” təqdim edilib
![Çində Si Cinpinin siyasi fəlsəfəsindən bəhs edən “Chat Xi PT” təqdim edilib](/files/2024/2/1200x630/17165487885198848576_1200x630.jpg)
Bakı, 24 may, AZƏRTAC
Çinin dövlət başçısı Si Cinpinin siyasi fəlsəfəsindən ilhamlanan yeni çatbot olan “Chat Xi PT” təqdim edilib.
AZƏRTAC xarici mediaya istinadla xəbər verir ki, Çin Xalq Respublikasının İnternet İnformasiyası üzrə Dövlət İdarəsinin nəzdindəki tədqiqat mərkəzində süni intellektə malik yeni çatbot hazırlanır. Tərtibatçılar onun təməlini yüksək qiymətləndirərək bildiriblər ki, yaradıcı korpusun təcrübəsi və səlahiyyəti yaradılmış məzmunun peşəkarlığına zəmanət verir.
“Chat Xi PT” suallara cavab vermək, hesabatlar yaratmaq, məlumatları ümumiləşdirmək və Çin dilindən ingilis dilinə tərcümə etmək qabiliyyətinə malikdir. Çatbot Si Cinpinin siyasət, iqtisadiyyat və mədəniyyətlə bağlı fikirlərini yayacaq, bu prinsiplərin Çində təbliği kampaniyasına töhfə verəcək.
“Chat Xi PT” hazırda tədqiqat məqsədləri üçün istifadə olunur və gələcəkdə daha geniş kütləyə xitab edə bilər. Çatbot cavabların Çinin sosialist dəyərlərinə uyğun olmasını təmin etmək və pozucu məzmunun qarşısını almaq üçün nəzərdə tutulub.