“CIDC 2023” tədbirinin bağlanış mərasimi keçirilir
Bakı, 27 oktyabr, AZƏRTAC
Azərbaycanda ilk dəfə keçirilən "CIDC 2023" tədbirinin bağlanış mərasimi keçirilir.
AZƏRTAC xəbər verir ki, tədbirdə Türkiyənin kibertəhlükəsizlik üzrə baş mütəxəssisi Erdal Özkaya Qarabağ əleyhinə dünya səviyyəsində aparılan kiberhücumlardan bəhs edən təqdimatla çıxış edir.
E.Özkaya bildirib ki, dünya üzrə kiberhücumların dəyəri 1 dəqiqədə 1 milyon 850 dollar təşkil edir. Hazırda dövlətlər virus hazırlayır, müdafiə sənayesi əvəzinə kiber sahəyə yatırımlar edir. Belə ki, dünyada 1 dəqiqədə 7 fişinq hücum həyata keçirilir. Artıq müharibə deyil, kibermüharibələrə üstünlük verilir.
Mərasimdə Xüsusi Rabitə və İnformasiya Təhlükəsizliyi Dövlət Xidmətinin rəisi general-leytenant İlqar Musayev və Xidmətin digər əməkdaşları, həmçinin rəsmi qonaqlar iştirak edirlər.
Bölmənin digər xəbərləri
