Con Konomi: Bakının gözəlliyinə heyran olmamaq mümkün deyildir
Bakı, 4 oktyabr (AZƏRTAC). Bakının gözəlliyinə heyran olmamaq mümkün deyildir. Burada gördüklərim məni bu şəhərə yenidən gəlməyə həvəsləndirir.
AZƏRTAC xəbər verir ki, bu sözləri Bakı Beynəlxalq Humanitar Forumunda iştirak etmək üçün ölkəmizdə səfərdə olan ABŞ-ın Ohayo ştatındakı Klivlend Klinik Hospitalının həkimi Con Konomi demişdir.
Bakının inkişaf etmiş bir çox Qərb ölkələrindəki şəhərlərindən heç də geri qalmadığını vurğulayan amerikalı qonaq paytaxt sakinlərinin çox mehriban və qonaqpərvər olduqlarını qeyd etmişdir.
Ölkəsi ilə Azərbaycanı müqayisə edən Con Konomi bildirmişdir ki, tibb sahəsində çalışan bir çox mütəxəssislərlə fikir mübadiləsi aparmaq imkanı baxımından bu Forumda iştirakım mənim üçün çox əhəmiyyətlidir. Bakı Beynəlxalq Humanitar Forumunun səmərəli keçəcəyinə inanıram. Çünki bu mötəbər tədbirdə dünya miqyasında tanınmış şəxslər iştirak edirlər.
Bölmənin digər xəbərləri
