Conni Depp xüsusi qonaq qismində Boçellinin konsertlərində çıxış edəcək
Bakı, 8 iyul, AZƏRTAC
2022-ci ildə keçmiş həyat yoldaşı Ember Herdə qarşı qalmaqallı və səs-küylü məhkəmədən sonra son iki ildə səhnəyə qayıtmaq üçün çalışan Conni Depp məşhur italyan tenoru Andrea Boçellinin İtaliyanın Toskana şəhərində keçiriləcək növbəti konsertlər silsiləsində xüsusi qonaq qismində çıxış edəcək.
AZƏRTAC-ın xarici mediaya istinadla verdiyi xəbərə görə, bu barədə 65 yaşlı Boçelli instaqram səhifəsində məlumat verib: “Böyük ekranda saysız-hesabsız simvolları təcəssüm etdirən, heyrətamiz dərəcədə cazibədar aktyor, çoxprofilli sənətkar, həmçinin parlaq musiqi istedadına malikdir. O, əsl rok ulduzu, sevilən və hər yerdə alqışlanan ifaçıdır”.
Məşhur italyan tenoru Andrea Boçelli birgə konsert ərəfəsində Conni Deppi bu sözlərlə təsvir edib. O əlavə edib: “Conni Depp Toskanadakı evimə gələndə, mən onunla oynamaq və oxumaq barədə xoş xatirələrimi paylaşdım. Mürəkkəb duetin yenidən, həm də bu dəfə ictimaiyyət qarşısında çıxış edəcəyini elan etməkdən məmnunuq, pərəstişkarlar da sevinəcəklər. Dəvətimizi qəbul etdiyinə görə Conniyə təşəkkür etmək istərdik. Onu “Teatro del Silenzio” səhnəsində salamlamaq çox xoş olacaq”.
Conni Depp Andrea Boçelli ilə birlikdə səhnə alan yeganə dünyaşöhrətli sənətçi olmayacaq. “Andrea Bocelli 30: The Celebration” adlı konsert filmi bu payızda kinoteatrlarda nümayiş etdiriləcək. Filmdə 65 yaşlı italyan müğənni Ed Şeran, Şania Tveyn, Con Batiste, Rassell Krou, Sofia Vergara, Devid Foster, Kristian Nodal, Sofiya Karson, Laura Pausini, Tiziano Ferro, Zukçero və Giorgia kimi məşhurlarla da oxuyacaq.
Tədbir zamanı Boçelli Plasido Dominqo, Jose Carreras, Lang Lang, Aida Garifullina, Brayen Terfel və Nadine Sierra kimi məşhur musiqiçilərlə də səhnəni bölüşəcək. Nəhayət, Andrea Boçelli övladları ilə birlikdə çıxış edəcək.
Boçellinin yaradıcılığının 30 illiyinə həsr olunmuş üçgünlük konsertlər silsiləsi iyulun 15, 17 və 19-da baş tutacaq.
Bölmənin digər xəbərləri
