CÜDO ÜZRƏ AZƏRBAYCAN ÇEMPİONATININ QALİBLƏRİ MƏLUM OLMUŞDUR
Yarışda respublikanın müxtəlif şəhər və rayonlarını təmsil edən 39 komandanın tərkibində 224 idmançı iştirak edir.
Qadınların bütün çəki dərəcələri üzrə mübarizəsinə yekun vurulmuşdur. Türanə Seyidli (48 kq), Gülşən Şirinova (52 kq), Şəhanə Alməmmədova (57 kq), Kifayət Qasımova (63 kq), Tükəzban Camalova (70 kq), Könül Süleymanova (78 kq) fəxri kürsünün ən yüksək pilləsinə qalxmışlar.
Kişilərin mübarizəsində Namiq Sultanov (66 kq), Müseyib Cəfərov (73 kq), Elxan Rəcəbli (81 kq), Elxan Məmmədov (90 kq), Fariz Ramizzadə (100 kq) və Mövlud Mirəliyev (100 kq-dan yuxarı) ölkə çempionu adını qazanmışlar.
Dekabrın 9-da 60 kiloqram çəki dərəcəsi üzrə qalib müəyyənləşdikdən sonra yarışa yekun vurulacaqdır.
