DANİEL ORTEQA NİKARAQUADA PREZİDENT SEÇKİLƏRİNDƏ QALİB GƏLMİŞDİR

08.11.2006 [22:53]
Çap et
A⁺ A^-

AZƏRTAC Frans Press agentliyinə istinadla xəbər verir ki, Daniel Orteqa Nikaraquada prezident seçkilərində qalib gəlmişdir. Seçki məntəqələrinin 91,48 faizində səslərin hesablanmasından sonra məlum olmuşdur ki, Orteqa 38,07 faiz səs toplamışdır. Digər namizədlərə – mühafizəkarlar Eduardo Montealeqreyə seçicilərin 29 faizi və Xoze Risoya 26,2 faizi səs vermişdir. Montealeqre Orteqanı təbrik edərək bildirmişdir ki, o, demokratik yolla seçilmişdir və deməli, ölkəni belə də idarə etməlidir.

Daniel Orteqa 1985-1990-cı illərdə Nikaraquaya başçılıq etmişdir. Həmin dövrdə ABŞ Orteqanın rəhbərlik etdiyi Sandino Milli Azadlıq Cəbhəsi hökumətinə qarşı mübarizə aparan “kontras” silahlı birləşmələrini dəstəkləmişdir. Orteqa 1980-ci illərdə ifrat sol baxışları ilə seçilməsinə və ölkə iqtisadiyyatında sovetsayağı islahatlar aparmağa cəhd göstərməsinə baxmayaraq, son zamanlar onun bəyanatlarında radikallıq zəifləmişdir. Məsələn, o, seçkiqabağı kampaniya zamanı bildirmişdir ki, hakimiyyətə gələrsə, iqtisadi azadlığı saxlayacaq və özəl biznesi inkişaf etdirəcəkdir.

DANİEL ORTEQA NİKARAQUADA PREZİDENT SEÇKİLƏRİNDƏ QALİB GƏLMİŞDİR

MÜƏLLİFLƏ ƏLAQƏ

Bölmənin digər xəbərləri