DAŞKƏNDDƏ BEYNƏLXALQ KONFRANS
Daşkənddə “Özbəkistanneftqaz” Milli holdinq şirkətinin 10 illiyinə həsr olunmuş “Yer qabığında neftin yaranması və neft-qaz yığılmasının geodinamik şəraiti” mövzusunda 6-cı beynəlxalq neft-qaz sərgisi və konfransı keçirilmişdir. Bu mötəbər forumda Azərbaycanı geologiya - mineralogiya elmləri doktoru, Milli Elmlər Akademiyası Geologiya İnstitutunun petrologiya laboratoriyasının rəhbəri Muxtar Rüstəmov təmsil edirdi.
Ümumi iclasda Azərbaycan aliminin neftin yaranması haqqında nəzəriyyəyə yeni baxışı əks etdirən “Cənubi-Xəzər hövzəsinin geodinamik evolyusiyası və neftli-qazlı sistemi” mövzusunda məruzəsi dünyanın 10-a yaxın ölkəsini təmsil edən konfrans iştirakçılarının böyük marağına səbəb olmuşdur. Qocaman geoloq - alim, Rusiya Elmlər Akademiyasının akademiki Viktor Xainin yekun məruzəsində Muxtar Rüstəmovun nəzəriyyəsi diqqətəlayiq bir nəzəriyyə kimi qiymətləndirildi.
Hazırda alim “Alp-Himalay qırışıqlı zolağı sistemində Xəzər regionunun geodinamik evolyusiyası” monoqrafiyası üzərində işləyir.
Bölmənin digər xəbərləri
