DÜNYA
DENOMİNASİYA İLƏ BAĞLI MAARİFLƏNDİRMƏ İŞİ APARILIR
13 saylı Ərazi Vergilər İdarəsindən AZƏRTAC-ın müxbirinə bildirmişlər ki, Fərmanın icrasını təmin etmək məqsədi ilə idarə tərəfindən hər üç rayonun ticarət və xidmət obyektlərində mal və xidmət tariflərinin köhnə və yeni qiymətlərlə göstərilməsi nəzarətə götürülmüş, vergi ödəyiciləri ilə keçirilən görüşlərdə denominasiya tədbirlərinin mahiyyəti və əhəmiyyəti barədə ətraflı məlumat verilmişdir. İdarə tərəfindən indiyədək bu rayonlarda vergi ödəyiciləri ilə 4 görüş keçirilmiş, 1500 nəfər vətəndaşa denominasiya barədə xüsusi bildiriş paylanılmış, yerli radio, televiziya və qəzetlər vasitəsi ilə əhaliyə müraciətlər olunmuş, elanlar verilmiş, habelə əhalinin daha sıx yaşadığı ərazilərdə, şəhərlərin gur yerlərində xüsusi məlumat lövhələri yerləşdirilmişdir. Hazırda bölgədə denominasiya ilə bağlı maarifləndirmə tədbirləri davam etdirilir.