DEPUTATLARIMIZ NYU-YORKA GEDİRLƏR
Milli Məclisin mətbuat xidmətindən AZƏRTAC-a daxil olan məlumatda deyilir ki, Parlamentlərarası İttifaq çərçivəsində keçiriləcək müzakirələrdə Azərbaycanı Milli Məclis sədrinin müavini, parlamentin təhlükəsizlik və müdafiə məsələləri daimi komissiyasının sədri Ziyafət Əsgərovun başçılıq etdiyi nümayəndə heyəti təmsil edəcəkdir. Nümayəndə heyətinə deputatlardan Elman Məmmədov, Nizami Xudiyev, Yaqub Mahmudov, Vüqar Rəhimzadə və Rauf Qurbanov daxildirlər.
Dinləmələrdə “Beynəlxalq sənədlərin ratifikasiyası və həyata keçirilməsi. Təhlükəsizlik sektoruna demokratik nəzarət”, “Kütləvi qırğın silahları təhlükəsinə qarşı görüləcək təcili tədbirlər”, “Sülhü qoruma missiyaları və milli parlamentlərin birgə işi”, “Milli barışıq və münaqişədən sonrakı bərpa işləri” və başqa mövzularda məruzələr nəzərdə tutulmuşdur. Dünyanın müxtəlif regionlarındakı münaqişələr, o cümlədən Dağlıq Qarabağ problemi, sülhün və əmin-amanlığın bərqərar olunmasında parlamentlərin qarşısında duran vəzifələrlə əlaqədar fikir mübadiləsi də aparılacaqdır.
Oktyabrın 21-də isə BMT-nin digər beynəlxalq təşkilatlarla əməkdaşlığına həsr olunmuş yığıncaq keçiriləcəkdir.
Səfər oktyabrın 22-də başa çatacaqdır.
Bölmənin digər xəbərləri
