DÜNYA
DİNİ QURUMLARLA İŞ ÜZRƏ DÖVLƏT KOMİTƏSİ SƏDRİNİN MƏTBUAT KONFRANSI
R.Əliyev bildirmişdir ki, Şuranın yaradılmasından başlıca məqsəd kütlələrin dini baxımdan maarifləndirilməsidir. Bununla əlaqədar “Dini təhsil”, “İslamda mənəvi cəhətlər” kimi bir neçə layihə hazırlanmışdır. O, Avropa ölkələrində dini nəzəriyyənin tədrisinə toxunaraq demişdir ki, Azərbaycan dinlərin tarixini öyrənmək, özü də təbliğat aparan din xadimləri tərəfindən deyil, hökmən dövlətin nəzarəti altında, alimlər, mütəxəssislər tərəfindən öyrənilməsi təklifini irəli sürmüşdür.
Tanınmış filosofların və ilahiyyatçı alimlərin cəlb olunduqları Şuranın sədri fəlsəfə elmləri doktoru, Milli Məclisin deputatı Rəbiyyət Aslanovadır.
İlkin mərhələdə Şuranın qarşısında dini maarifçiliyi mərkəzləşdirilmiş qaydada sistemləşdirmək vəzifəsi durur. 12-15 yaşlı məktəblilərin din barədə baza təsəvvürlərini genişləndirməyin zəruriliyi vurğulanmış, Şuranın bununla bağlı işinin bəzi cəhətləri aydınlaşdırılmışdır.
R.Əliyev axırda jurnalistlərin suallarına cavab vermişdir.