DOĞUM EVLƏRİNDƏ XÜSUSİ SİQNALÖTÜRÜCÜLƏRİ TƏTBİQ OLUNUR
AZƏRTAC xəbər verir ki, Böyük Britaniya alimləri doğum evlərində uşaqların səhv salınması, oğurlanması və bilərəkdən dəyişdirilməsinin qarşısını almaq məqsədi ilə xüsusi siqnal ötürücüləri hazırlamışlar. Həmin ötürücülər körpələrin ovcuna qoyulur və onların bütün hərəkət trayektoriyası vahid kompyuter otağında izlənilir.
Alimlərin fikrincə, bu, həm də, körpələrin xəstəxanada olduqları müddətdə hansı fiziki dəyişikliklərə məruz qaldığı, gün ərzində nə dərəcədə qidalandığı barədə məlumat bankının yaradılmasına imkan verəcəkdir. Lakin yeni qurğu bahalı olduğundan hələlik yalnız bir neçə doğum evində tətbiq olunur.
Bölmənin digər xəbərləri
